A Policía Local de Vigo comisou un total de 47 caixas con 1.342 aparellos pirotécnicos non autorizados durante unha campaña especial de control sobre a venda e utilización deste tipo de obxectivos levada a cabo durante o pasado Nadal.

Este operativo, no que se comprobou se os artefactos cumprían as normas e requisitos esixibles para evitar a venda non autorizada, estendeuse aos instrumentos de pirotecnia que foron obxecto de venda ambulante e a aqueles que se lanzaban ou manipulaban sen respectar as normas de seguridade ou sen adaptarse á categoría na que estaban clasificados.

A Policía Local lembrou que nestas festas é cando se rexistra a porcentaxe máis alta das vendas deste material. Por ese motivo, intensifícanse as inspeccións que tratan de garantir o cumprimento da normativa.

O material incautado por estarse vendendo de xeito irregular, sen cumprir a normativa nin as normas de seguridade, foi destruído. Os responsables dos establecementos onde se comprobou a venda irregular foron propostos para sanción.