A Xunta de Goberno Local de Vigo aprobará este venres a demolición do antigo restaurante Di San Remo, situado na praia de Samil, unha actuación que comezará antes do próximo verán. Así o anunciou o alcalde, Abel Caballero, que asegurou que deste xeito se dá un paso máis na transformación do areal.

A obra suporá un investimento de case 100.000 euros e terá unha duración aproximada de dous meses. Unha vez retirado o antigo establecemento, no espazo habilitarase unha zona verde provisional, á espera de continuar coa segunda fase da transformación de Samil, segundo explicou o rexedor.