O BNG de Vigo reclamou ao goberno municipal que poña fin ao “tarifazo” do lixo na cidade e que compense aos veciños que reciclan, criticando o “castigo” que sofren os vigueses cun dos recibos máis caros de toda España. Nun comunicado, os nacionalistas advertiron que o Concello olívico non está a aplicar os descontos que se prevén na ordenanza, que inclúe unha bonificación do 65% na cota variable a aqueles fogares que fan uso do colector marrón ou o punto limpo.

“Se a cidade recicla máis, por que seguimos pagando o tarifazo do lixo despois da subida do recibo en máis dun 30% nos últimos anos?”, preguntouse o portavoz do Bloque, Xabier Pérez Igrexas.