Un condutor de 48 anos de idade resultou ferido este mércores en Vigo tras saírse da vía e impactar contra un báculo de iluminación, segundo informou a Policía Local. O accidente ocorreu sobre as 6.35 horas da mañá na Avenida de Beiramar, en dirección a Bouzas. O condutor do turismo perdeu o control do vehículo e saíuse da calzada, impactando contra un farol.

Fontes policiais sinalaron que, a pesar dos graves danos do coche, o condutor foi trasladado ao hospital Álvaro Cunqueiro consciente e o seu estado aparentemente non revestía gravidade.