Unha condutora resultou ferida na tarde deste xoves en Vigo tras saírse da vía mentres circulaba pola VG-20 ao seu paso pola parroquia de Matamá. Segundo fontes do 112 consultadas, os feitos ocorreron pasadas as 15:15 horas no punto quilométrico 6 da devandita vía, en dirección á cidade olívica.

Foi un particular o que alertaba de que un coche se saíu da vía tras facer un trompo e quedar en dirección contraria á de circulación. Por iso, deuse aviso ao 061, que atendeu á condutora que presentaba dor nunha man, e á Garda Civil de Tráfico, que se desprazou ata o lugar para garantir a seguridade na zona.