“Ahí está. Tire para arriba agora si, carallo. Que boa é. A ‘Navidá’ ten que ser branca. branca ‘Navidá’, se nón non é nada. Iso vaille gustar. Tire para arriba. Que metimos nós primeiro, non ten problema”. Co acto de consumir a suposta droga e estas palabras dun dos mozos comeza o vídeo que está a viralizarse este Nadal.

Un grupo convence a un home da terceira idade a esnifar unha substancia, supostamente cocaína, na praza Fonte dos Ranchos (Lugo), o cal está a levantar moita polémica. Despois de tomar a droga, o ancián di que ten problemas do corazón, ao que contestan os mozos: “Se ten problemas do corazón non pasa nada, é para quitar a carbonilla, como os coches”.

O asunto non quedou só na resposta das redes, grazas ás cales o asunto trascendeu e identificouse a tres dos catro implicados na acción do ancián. O home, de 72 anos, alega que foi enganado, e dos catros mozos dous están en liberdade, un sen identificar e o outro xa foi posto a disposición xudicial. O ancián alega que primeiro de todo lle ofreceran fumar, e que el o rexeitou.

Os mozos enfróntanse a delitos de tráfico de drogas e incitación ao consumo (se o laboratorio determina que é cocaína), contra a saúde e integridade física, contra a intimidade e ata por coaccións.