A Audiencia Provincial de Pontevedra, na súa sede en Vigo, acollerá o vindeiro mércores o xuízo contra un home que se enfronta a 10 anos e nove meses de cárcere por un delito de violación empregando violencia e coa vontade da vítima anulada. Segundo Fiscalía, os feitos sucederon en maio de 2024 nun lugar público do partido xudicial de Vigo.
Ademais, o Ministerio Fiscal solicita para o acusado a prohibición de aproximarse a menos de 1.000 metros da vítima, do seu domicilio, lugar de traballo ou calquera outra que esta frecuente, así como de comunicarse con ela por calquera medio por tempo superior en 8 anos ao da duración da pena de prisión que resulte imposta.
Tamén terá liberdade vixiada por tempo de 8 anos (a executar con posterioridade á pena privativa de liberdade), e inhabilitación especial para calquera profesión, oficio ou actividades, sexan ou non retribuídos, que leve contacto regular e directo con persoas menores de idade, por tempo de 10 anos. O acusado indemnizará á vítima con 20.000 euros.
