O Concello de Redondela denunciou o corte de cableado eléctrico no Parque de Negros da devandita localidade pontevedresa, alertando do perigo que supón esta “manipulación intencionada”.

Nun comunicado, o concelleiro Roberto Villar advertiu que o responsable deste acto “puido causar unha desgraza”, debido a que no momento do corte do cable había tensión eléctrica e o cable que deixou “tamén tiña tensión eléctrica sen ningún tipo de protección”.

Segundo dixo, na actualidade existen “desacordos” entre os veciños sobre a intensidade da iluminación do parque, polo que sospeita de que “alguén se tomou a xustiza pola súa man e cortou o cableado”.