Axentes da Policía Local de Vigo detiveron a un home de 25 anos de idade que foi identificado tras verse inmerso nunha pelexa, e que supostamente ameazou a outro home cun coitelo. Segundo fontes policiais, os feitos ocorreron na madrugada do domingo, cando unha dotación acudiu á Avenida de Beiramar por unha suposta pelexa. No punto localizaron a tres homes e dúas mulleres.
Un dos homes relatou aos axentes que outro lle ameazou cun coitelo. Ao identificar e cachear ao suposto autor das ameazas os policías non atoparon nada, pero as testemuñas explicaron que, ao saber que chamaran ao 092, o sospeitoso entregáralle a arma branca á súa moza e esta arroxouna debaixo dun coche. Finalmente, os axentes lograron recuperar o coitelo e procederon á detención do home
