A Inspección de Traballo abriu unha investigación para coñecer as circunstancias dun accidente laboral ocorrido o pasado 25 de marzo nas instalacións da planta de Stellantis en Vigo, no que unha operaria foi atropelada por unha carretilla e acabou perdendo un pé.

Fontes da empresa confirmaron a Europa Press que se produciu un accidente co resultado de lesións graves, aínda que evitou entrar en máis detalles, ao estar os feitos baixo investigación, e avogaron pola prudencia e a cautela. Por outra banda, fontes sindicais explicaron que o accidente ocorreu na unha das naves da fábrica, a S, onde se fai montaxe de portas e traballos de preparación de discos de freo e de motores.

En concreto, a traballadora atopábase nunha zona de despachos de billetes próxima a unha área de paso, tanto de carretillas como de vehículos filoguiados (seguen rutas automaticamente, sen condutor). O traballador que levaba a carretilla topouse cun destes vehículos e, para esquivalo, fixo un xiro invadindo unha zona peonil, sen decatarse de que había unha traballadora na zona de despachos de billetes e atropelouna.