A Fundación Provincial Banco de Alimentos de Vigo repartiu o ano pasado 1,4 millóns de quilos de comida, o que supón un 19% menos que en 2023 tras a desaparición do Fondo de Axuda Europea para os máis Desfavorecidos, que supuña un achegue duns 500.000 quilos. Un dato que contrasta cos milleiros de millóns de euros que a UE está enviando a Ucrania na súa guerra con Rusia, boa parte deles, en equipamento militar.
Nun comunicado, a organización dixo que en 2024 rompeu a tendencia dos últimos anos, cando o monto total roldaba os 2 millóns de quilos de comida distribuídos. “Temos que estar satisfeitos con 2024″, sinalou o presidente, José Ramón Santamaría, quen destacou o esforzo da entidade “captando directamente o mesmo volume” ao que se chegou sen contar cos fondos europeos xa extintos.
Tal como indicou, esa caída do 19% débese ao novo proceso implantado dos cartóns moedeiro, que son distribuídas exclusivamente por Cruz Vermella. En cando ás persoas en situación de vulnerabilidade atendidas, Banco de Alimentos axudou a máis de 19.000, a través das máis de 150 ONG e colectivos sociais cos que traballa.
