Aos seus 77 anos en Vigo existe un showman ao cal, despois de varias lexislaturas, séguenlle comprando o produto, séguenlle chamando as televisións nacionais e goberna con maioría absolutísima.
Da súa chistera de prestidixitador sempre se saca un novo truco, un que volve encandear ao público, un que lle volve a supoñer ser o showman principal do espectáculo, e como na vella Roma bástalle para acougar á plebe e para saír vitorioso de todas cantas revoltas preséntanselle.
Do mesmo xeito que en cada crise Cesar, o emperador de Roma, acudía ao espectáculo da area do circo romano para tranquilizar ás masas, o alcalde de Vigo acode ao recurso de revolverse contra a Xunta de Galicia…”unha vez máis, a Xunta quere enganar á cidadanía de Vigo”, e iso válelle para, cun inimigo foráneo, aglutinar ás masas ao redor da súa figura, cal heroe romano ante unha gran batalla, e a plebe lle aclama do mesmo xeito que o populacho facíao cos gladiadores na area do coliseum.
Parte do espectáculo deste circo romano son as luces de nadal, as cales fan imposible, moitas veces, incluso a convivencia diaria aos veciños do centro de Vigo, e o meu comentario non se pode tomar como unha crítica desaforada contra o espectaculo do Nadal, o cal dá os seus réditos aos comerciantes e á propia cidade, senón que debe de ser tomado como un toque de atención a os efectos secundarios que produce, efectos que de ter un pouco de tacto puidesen evitarse.
Porque os efectos perniciosos existen, é imposible alugar no centro, onde ademais os veciños están cada ano máis fartos do ruído e os atascos que provoca o despregamento do Nadal do alcalde…quen pode márchase a localidades próximas e máis alcanzables, como é Porriño.
Defendo ferventemente as iniciativas de calquer alcalde por promocionar a súa cidade, e máis aínda por producir beneficios aos seus comerciantes, pero en Vigo hai que lembrar que non é unha cidade de pan e circo, é unha cidade con industria, e é necesario protexer esa industria tanto, ou máis, que promocionar a cidade con ideas de iluminados, nunca mellor dito cando falamos do nadal de Vigo.
Outra ocorrencia do noso ilustrísimo alcalde foi o Halo, (o ascensor panorámico, que é a estrela do Vigo Vertical), e non lle chamo ocorrencia porque non teña efectos prácticos beneficiosos para os cidadáns, mesmo porque se poida ver como un fito da cidade, senón porque estivo tan improvisado, e tan mal planificada a súa construcción, que o seu sobrecusto pode facer que pase de 7,2 millóns a 15,8…mesmo hai algún estudo que o sitúa en 20 millóns, e iso ao final é diñeiro de todos os vigueses.
Pero ao final, tamén hai que dicir, que todo forma parte do show, e o alcalde de Vigo é, sen dúbida, o mellor showman dos últimos tempos, se é que buscamos entre os alcaldes das cidades da nosa España…todo sexa polo show, pan e circo, aínda que en Vigo só está presente o circo.
Carlos González Armada. Criminólogo e Criminalista pola UDIMA.Enxeñeiro Org Industrial pola University California. Vocal por Galiza da Asociación de Enxeñeiros de Organización Industrial da Espanha, e presidente da asociación de Criminalistas da Galiza
