InicioPolíticaO PP de Vigo esixe unha comisión de investigación sobre o accidente...

O PP de Vigo esixe unha comisión de investigación sobre o accidente mortal en Matamá

O grupo municipal reclama respostas tras máis dun mes de silencio do goberno local sobre o accidente na atracción 'Saltamontes' que deixou un falecido.

PUBLICADO O

- Advertisement -

O grupo municipal do PP no Concello de Vigo rexistrou unha moción, que se debaterá no pleno ordinario do próximo luns, coa que reclama a creación dunha comisión de investigación sobre o accidente mortal na atracción ‘Saltamontes’, nas festas de Matamá, na madrugada do pasado 3 de agosto.

O portavoz do grupo, Miguel Martín, sinalou que pasou máis dun mes desde o accidente, no que faleceu un veciño da cidade de 36 anos de idade, e o goberno municipal “segue calado e sen dar a cara”. Por iso, o PP pedirá a creación desta comisión, que espera que “o PSOE non vaiche”.

Segundo apuntou, “hai moitas preguntas que requiren resposta”, entre as que está “por que o goberno non madou precintar o ‘Saltamontes’ ao carecer de autorización” ou “se houbo unha orde expresa á Policía Local para proceder nese sentido”.

“Que sentido ten facer cumprir os requisitos ás atraccións, se logo, cando non lles dan permiso, ninguén se preocupa de comprobar se está ou non funcionando?“, preguntou o portavoz do PP.

Nese sentido, denunciou que “a neglixencia deste goberno é absoluta“, como o é tamén o incumprimento da lei de espectáculos de Galicia. Segundo incidiu Miguel Martín, esa lei obriga a inspeccionar as atraccións, unha tarefa que o Concello “recoñece que non fai”, e sinalou que outros municipios máis pequenos, como O Porriño, Pontevedra ou Vilagarcía, contratan empresas para facelo, mentres que Vigo, “a cidade máis importante de Galicia, con débeda cero e remanentes millonarios, non”.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...