InicioSociedadeO comité de Vitrasa denuncia a perda de poder adquisitivo ca última...

O comité de Vitrasa denuncia a perda de poder adquisitivo ca última oferta de actualización salarial

A proposta da empresa para 2021 a 2027 supón unha perda de até un 8,9% en poder adquisitivo, segundo o comité, que tamén rexeita a falta de melloras sociais significativas.

PUBLICADO O

- Advertisement -

O comité de Vitrasa, concesionaria do bus urbano de Vigo, anunciou que estudará a última proposta trasladada pola empresa no que respecta á actualización salarial, no marco da negociación do novo convenio, aínda que advertiu de que o persoal segue perdendo poder adquisitivo con esa oferta.

Nas últimas horas, as partes mantiveron un encontro no que a empresa trasladou a súa proposta de subida salarial, que establece un 0 % para 2021, 2022 e 2023 (con IPC que estiveron entre o 2 e o 5,7 %); subida do 3,2 % para 2024 (cunha previsión do IPC dun 3,1 %); subida do 3,5 % para 2025 (cunha previsión do IPC dun 2,2 %); subida do 4 % para 2026 (cunha previsión do IPC do 2,2 %); e unha subida do 4 % para 2027 (Cunha previsión do IPC do 2,1 %).

O comité apuntou que, se se cumpren estas previsións, a oferta supón que o persoal perde un 8,9 % de poder adquisitivo, e criticou que tampouco hai cláusula de revisión salarial, por tanto se o IPC é maior do previsto, os traballadores poderían aumentar esa perda.

Os representantes dos traballadores lembraron que Vitrasa beneficiouse de 18 millóns de euros outorgados polo Concello en compensacións pola pandemia de Covid e en concepto de reequilibrio económico da concesión, e a pesar diso non ofrece actualización de soldos para os anos 2021 ao 2023.

Por outra banda, advertiron de que as melloras no ámbito social “son practicamente inexistentes” e, nalgúns casos, “empeoran as condicións actuais”, polo que o comité rexeitou inicialmente a proposta.

No entanto, e ao recoñecer un “pequeno avance”, o comité analizará “en profundidade” a proposta para dar resposta á empresa. A próxima reunión entre as partes celebrarase o 10 de setembro. Precisamente, a falta de acordo na negociación do convenio provocou unha folga no servizo que se estendeu desde o 25 de novembro de 2023 ata o 11 de marzo de 2024.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...