O alcalde de Vigo, Abel Caballero, adiantou que o orzamento do Concello para 2025 crecerá ata os 327,5 millóns, un 3,3% máis que o do ano en curso.

Así, segundo dixo, estas contas permitirán “seguir atendendo á cidade”, pondo en valor que serán aprobadas grazas ao “apoio da cidadanía á lista que encabeza”.

Segundo dixo, ata 122,6 millóns provirán do Estado, mentres que a Xunta achegará uns 6 millóns.

O rexedor dixo que se manterán os niveis de investimento ao redor dos 33 millóns, aos que cabe sumar os fondos europeos Next Generation. “Non recorremos ao endebedamento”, sentenciou.