O alcalde de Vigo, Abel Caballero, ofreceu este mércores aos celtistas e afeccionados ao fútbol un anaco da antiga bancada de Marcador do estadio municipal de Balaídos como recordo.
Nun audio difundido aos medios de comunicación, o rexedor lembrou que cando se anunciou a obra, díxose que se permitiría a aqueles que o quixesen levar un pedazo da bancada, polo que foron moitas as solicitudes realizadas.
Agora, o Concello levou a cabo unha montaxe cunha base de metacrilato e cun pedazo da bancada encima para todos os que queiran tela de recordo.
Así, Caballero asegurou que xa se entregaron unhas 150 unidades e hai dispoñibles varios centos para todos os interesados. Para conseguilo, só teñen que pasar pola Concellaría de Fomento, onde serán entregadas.
