A Sala do Civil e Penal do Tribunal Superior de Xustiza de Galicia anulou unha sentenza da sección quinta da Audiencia de Pontevedra e absolveu dun delito de administración desleal a un home pola venda dunha leira sen coñecemento dos seus propietarios
Inicialmente, en 2022, a Audiencia condenara ao acusado como cooperador necesario dun delito de administración desleal a 11 meses de prisión e ao pago de 3.000 euros de multa, ao considerar que si cometeu un delito de administración desleal.
Ademais, o tribunal decretou a nulidade da escritura de compravenda da citada leira e a cancelación como titular no Rexistro da Propiedade.
Con todo, agora o TSXG revoga a sentenza ao considerar que non existen probas de que o procesado “tivese amañado algunha trampa cooperando necesariamente” cun dos socios da empresa propietaria da leira. “A partir da proba practicada non cabe racionalmente chegar a esa conclusión”, di o fallo, que afea que o socio que realizou a venda non figurase como acusado o proceso.
Máis en profundidade, cre que o máis coherente é pensar que o acusado, “inxenuamente”, aceptou integrar esta leira ao seu patrimonio confiando, quizais de maneira infundada, que así lograría recuperar parte da débeda.
