A reserva dos encoros galegos mantense no 87,6%, cun total de 3.253 hectómetros cúbicos, segundo datos do Ministerio para a Transición Ecolóxica publicados este martes. As precipitacións afectaron á vertente atlántica e foron escasas na mediterránea. A máxima de España produciuse en Vigo, con 37,7 litros por metro cadrado.

No tocante aos encoros da conca dos ríos Miño e Sil, os de maior volume en Galicia, a reserva é do 87,4%, unha décima máis que a anterior semana, xa que os hectómetros cúbicos soben a 2.649 (catro hm3 máis). Está por encima do dato a estas alturas en 2023 e da media da última década.

Mentres, os encoros de Galicia Costa están ao 88,3%, un lixeiro retroceso de seis décimas fronte a hai sete días. Hai 604 hectómetros cúbicos almacenados (catro menos que hai unha semana). Supón unha cifra maior que hai un ano e que a media dos últimos dez exercicios.

A reserva hídrica rexistrou unha nova subida na última semana en España, ata alcanzar o 66,6% (+0,6%) e gañar 321 hectómetros cúbicos (hm3) máis, pese ao descenso das precipitacións. Os encoros almacenan actualmente 37.325 hm3 de auga. Ademais, as concas catalás volveron a crecer ata alcanzar o 18% (+0,4%).