Unha persoa resultou ferida na mañá deste martes en Vigo tras ser atropelada na saída dun garaxe situado á altura do número 127 da rúa García Barbón.

Tal como informaron fontes do 112 Galicia, os feitos ocorreron sobre as 09.40 horas e foi un particular o que se puxo en contacto cos servizos de emerxencias. Nun primeiro momento, o alertante aseguraba que unha persoa caera e estaba ferida na cara. Con todo, máis tarde o 112 Galicia foi informado de que se tratou dun atropelo. Ata o lugar desprazouse unha ambulancia do 061 así como a Policía Local de Vigo.