Catro persoas resultaron feridas, unha delas grave, tras unha colisión frontal entre dous turismos na N-522, ao paso por Trasmañó, no municipio pontevedrés de Redondela.

Segundo informou o 112, a alerta recibírona a través dun sistema automático que facilitou a localización do sinistro.

Nun primeiro momento, pensaron que un dos afectados, o máis grave, necesitaría a axuda dos equipos de rescate, pero, finalmente, puido saír coa axuda dos sanitarios.

Ata o punto acudiron Urxencias Sanitarias de Galicia-061, os Bombeiros de Vigo, o GES de Mos, os voluntarios de Protección Civil de Redondela e os axentes da Policía Local e Garda Civil de Tráfico.