Un home aceptou cinco anos de cárcere por tocar a dúas mulleres pola rúa en Vigo, nunha vista de conformidade levada a cabo este mércores no Xulgado do Penal número 1 da cidade olívica.

O home foi condenado por dous delitos de agresión sexual, impóndoselle unha pena de dous anos e medio de prisión por cada un deles, ademais dunha inhabilitación especial para calquera profesión, oficio ou actividade que leve contacto regular con menores, por un tempo de cinco anos.

Segundo o escrito de acusación, os feitos ocorreron en xuño de 2023, cando o home tocou o peito dunha muller na rúa Torrecedeira de Vigo, acudindo esta a o médico nun estado de nerviosismo pola situación que vivira.

Minutos despois, o home tamén abordou a outra muller na rúa Coruña, tocándolle dúas veces na zona vaginal e dicíndolle “é o que hai, estás boa”. A pesar de que na vista o home non quixo recoñecer o ocorrido, finalmente aceptou os 5 anos de cárcere.