Pode Abel Caballero declarar as luces de Nadal de Vigo como un ben patrimono inmaterial da humanidade?. Por poder, pode, pero aínda non o fixo. O caso é que, con permiso do 1 de abril, que en Galicia é o día dos enganos ou día das petas, e “onde van os burros onde non deben ir”, aproveitando que este xoves é 28 de decembro, e, polo tanto, Día dos Santos Inocentes, este medio tivo o atrevemento de preguntarlle ao presidente da Xunta, Alfonso Rueda, se recibira a chamada do alcalde de Vigo, para apoiar esta creativa iniciativa para esta cidade.

“Pensei que me ía preguntar polo PXOM de Vigo –aprobado xustamente este xoves–, porque ía dicirlle que a Xunta tivo moito que ver nesta aprobación”, respondía Rueda. “Do outro acabo de enterarme por vostede e… “. O xornalista cortou a resposta. Mellor deixalo aí non vaia a ser que se cree un novo conflito entre a Xunta e Vigo.