InicioVigo e contornaVigoDenunciados dous novos ataques a buses en Vigo cos que se contabilizan...

Denunciados dous novos ataques a buses en Vigo cos que se contabilizan máis de 20 “desde que empezou a folga indefinida”

Vitrasa informou de que, ás 4,55 horas deste xoves, un bus que se incorporaba á liña PSA na Avenida de Castrelos foi golpeado por un obxecto á altura do parque.

PUBLICADO O

- Advertisement -

A empresa Vitrasa, concesionaria do bus urbano de Vigo, denunciou este xoves outros dous novos ataques a autocares da súa frota, que resultaron con danos materiais, aínda que non se rexistraron feridos e os buses estaban nese momento baleiros de viaxeiros.

Nun comunicado, a empresa informou de que, ás 4,55 horas deste xoves, un bus que se incorporaba á liña PSA na Avenida de Castrelos foi golpeado por un obxecto á altura do parque. “O impacto foi tal que rompeu dúas xanelas, unha de cada lado”, explicou Vitrasa, que engadiu que o vehículo non levaba pasaxeiros a bordo.

Tampouco levaba viaxeiros outro autobús, da liña 11, que sufriu un impacto sobre as 6,40 horas cando tamén se incorporaba ao servizo, ao seu paso pola Estrada de Camposancos, e que tamén acabou con danos nunha das xanelas laterais.

Segundo Vitrasa, cos deste xoves, “son máis de 2 os ataques sufridos” por buses da compañía “desde que dese comezo a folga indefinida”, o pasado 25 de novembro. A empresa volveu a denunciar estes actos vandálicos, “que pon en risco a integridade dos traballadores” da empresa.

Nas últimas horas, nunha rolda de prensa, o comité de empresa volveu a desmarcarse destes ataques, que condenou.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...