InicioSucesosUnha familia intoxicada por monóxido de carbono debido á mala combustión dunha...

Unha familia intoxicada por monóxido de carbono debido á mala combustión dunha estufa de butano

Presentaba un cadro médico compatible cunha intoxicación por este gas e os catro membros foron trasladados ao centro hospitalario.

PUBLICADO O

- Advertisement -

Catro membros dunha familia foron evacuados a un centro hospitalario de Vigo na mañá deste mércores tras resultar intoxicados por monóxido de carbono debido á mala combustión dunha estufa de butano. Segundo informa o 112 Galicia, os feitos ocorreron pasados uns minutos das 08.00 horas, cando os servizos sanitarios alertaron ao Centro Integrado de Atención ás Emerxencias, asegurando que unha familia presentaba un cadro médico compatible cunha intoxicación por este gas.

Tres destas persoas continuaban no domicilio, situado na rúa Barreiro, no barrio vigués de Lavadores. Unha menor afectada xa estaba nun centro educativo. Con todo, todos eles foron trasladados ao Hospital Álvaro Cunqueiro para avaliar os seus síntomas. No entanto, faltaba comprobar se a acumulación deste gas no interior da vivenda provocara o malestar da familia. Por iso, pediuse a colaboración dos bombeiros, da Policía Local e da Nacional. No punto, levaron a cabo as inspeccións necesarios, confirmándose a alta concentración de monóxido no domicilio debido á mala combustión dunha estufa de butano.

INTOXICADA OUTRA MENOR

Mesma situación deuse na localidade lucense do Incio, onde unha adolescente resultou intoxicada por monóxido de carbono na noite deste pasado martes. Foi sobre as 23,00 horas cando se tivo constancia do suceso, sendo a menor trasladada a un centro hospitalario, mentres que o resto de persoas que se atopaban na casa non resultaron afectadas.

Neste caso, os bombeiros tamén confirmaron que atoparon altos índices deste gas en toda a vivenda, sendo a causa unha mala combustión dun xerador de gasolina que había no domicilio.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...