InicioSucesosTrasladado ao hospital un ancián encontrado entre excrementos nun domicilio de Vigo

Trasladado ao hospital un ancián encontrado entre excrementos nun domicilio de Vigo

O ancián contou que levaba nesa situación meses porque fora operado da cadeira.

PUBLICADO O

- Advertisement -

Os servizos sanitarios de emerxencias trasladaron na tarde deste pasado xoves a un centro hospitalario vigués a un ancián que foi achado entre feces e ouriños no seu domicilio.

Tal como informou a Policía Local, os feitos ocorreron minutos antes das 18,00 horas en Camiño Viña Grande, onde un particular escoitou como unha persoa estaba a gritar no interior dunha vivenda.

Unha vez no inmoble, os axentes percibiron ao home gritar o nome de ‘Jose’ en repetidas ocasións, polo que comezaron a chamar con insistencia á porta, sen que ninguén lles abrise.

Por iso, os actuantes acudiron ao piso inferior, onde unha muller lles explica que arriba vivía o seu pai só, que é atendido polo seu marido, o cal nese momento non estaba na casa. Foi ela a que abriu o piso superior para que os policías puidesen atender ao home.

Unha vez dentro, atopáronse a un ancián nun pequeno salón sobre un colchón cheo de excrementos e ouriñes. El contoulles que levaba nesa situación meses porque fora operado da cadeira.

Minutos máis tarde, se persoa o xenro do ancián, o cal manifesta que é el o encargado de darlle de comer todos os días. Tras ser preguntado sobre quen o asea, di que ninguén.

Ao comprobar que a vivenda se atopa nunhas condicións de “insalubridade moi importantes”, con forte cheiro a ouriñes e feces, os axentes informaron aos servizos sociais. Tamén se solicitou a presenza dunha unidade do 061, que trasladou ao ancián ao Centro Hospitalario Ribera Povisa.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...