InicioSociedadeAbel Caballero apunta ao 23 de novembro para o aceso da iluminación...

Abel Caballero apunta ao 23 de novembro para o aceso da iluminación do Nadal, cunha árbore de “altura infinita”

Este ano o contrato adxudicouse tarde e a instalación comezou poucas semanas antes do aceso, cando outros anos se iniciaba en setembro ou mesmo en agosto.

PUBLICADO O

- Advertisement -

O alcalde de Vigo, Abel Caballero, avanzou este martes que o acto de aceso da iluminación do Nadal na cidade terá lugar a semana que comeza o 20 de novembro, moi probablemente, o xoves 23. Así o trasladou en declaracións aos medios, durante un acto de inicio simbólico da instalación da iluminación, no que sinalou que, aínda que outros anos o aceso facíase un pouco antes, nesta ocasión quere ver “o efecto comparación”.

Segundo explicou, este ano quixo que outras cidades acendan primeiro as súas luces para “que despois se compare”, aínda que advertiu de que “non hai cor” e que “a comparación con Vigo é materialmente imposible”. Respecto diso, chanceou asegurando que a cidade olívica está “na liga” de cidades como Nova York, París, Londres ou Roma e engadiu: “O ano que vén se cadra deixamos entrar a Madrid nesa liga, pero ten que facer méritos”.

Abel Caballero lembrou que “o mellor Nadal do planeta” contará con 450 rúas iluminadas, miles de motivos ornamentais e 11,5 millóns de luces led. Con respecto ao abeto luminoso, e á ‘competición’ con outras cidades por ver cal loce a árbore máis alta, o alcalde matizou que a altura anunciada do abeto vigués, de 40,5 metros, era unha estimación, pero que pode ser máis alto.

“A árbore de Vigo é de altura infinita, porque Papá Noel e os Reis Meigos fíxanse na árbore de Vigo“, proclamou, e engadiu que o abeto vigués ten “un factor de calidade”, que non teñen outros, como o xogo de luces e son. O aceso das luces da cidade farase este ano uns días máis tarde e é probable que, cando teña lugar, non estean instalados todos os motivos lumínicos en todas as rúas de Vigo. De feito, este ano o contrato adxudicouse tarde e a instalación comezou poucas semanas antes do aceso, cando outros anos se iniciaba en setembro ou mesmo en agosto.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...