Efectivos da Policía Local e dos Bombeiros de Vigo auxiliaron este mércores a unha octoxenaria que caeu no seu baño grazas ao aviso dunha veciña que se preocupou tras tres días sen vela.

Tal como informaron os axentes nun comunicado, os feitos ocorreron sobre as 20,25 horas nun edificio da rúa Travesía de Vigo. Alí, unha veciña alertou aos funcionarios de que levaba tres días sen ver á muller, que tampouco contestaba as chamadas, a pesar de que sempre estaban xuntas. Ademais, aseguraba que se vía luz na casa.

Por iso, os actuantes en primeiro lugar verificaron que a octoxenaria non se atopaba ingresada en ningún centro hospitalario e deron aviso aos bombeiros, que procederon a entrar á vivenda por unha xanela do balcón.

Unha vez dentro do domicilio verificouse que a anciá estaba prostrada no chan do ano, sen poder moverse e co corpo non era posible abrir a porta. Por iso, procedeuse a serrar a porta para acceder á estancia e asistir á muller.

A octoxenaria estaba consciente e con síntomas de hipotermia, polo que foi trasladada ao Hospital Álvaro Cunqueiro para a súa valoración.