A Sección Quinta da Audiencia Provincial de Pontevedra, con sede en Vigo, xulgará a próxima semana a un home acusado de abusar sexualmente en dúas ocasións dunha menor coa que contactou a través de Internet. Fiscalía pide para el 20 anos de prisión.

Segundo o escrito de cualificación do Ministerio Público, os feitos sucederon durante o ano 2022. O fiscal considera ao home autor de dous delitos de abuso sexual a menor, polos que lle pide 18 anos de cárcere, así como dous anos de prisión por un delito de acceso á menor por medios tecnolóxicos con fins sexuais.

Paralelamente, pide que se lle inhabilite para exercer calquera profesión ou oficio que implique relación ou contacto con menores durante 15 anos con posterioridade ao cumprimento da pena, así como 5 anos de liberdade vixiada. Tamén reclama para a vítima unha indemnización de 18.000 euros. A vista terá lugar o martes, día 24.