A factoría viguesa do grupo automobilístico Stellantis volveu a cancelar toda a súa actividade na noite deste xoves por falta de aprovisionamentos, segundo informou a dirección da compañía aos empregados.

En concreto, os problemas de subministracións que vive nos últimos meses a planta obrigarán a deter as dúas liñas de ensamblaxe das que dispoñen as instalacións olívicas durante a quenda de noite.

A produción na factoría viguesa xa estivo parada en varias quendas antes esta semana, e tamén houbo alteracións despois do regreso do persoal do período vacacional a finais de agosto.