O Ministerio de Transportes, Mobilidade e Axenda Urbana está a executar as obras de saneo e estabilización de noiros entre os quilómetros 27,735 e 28,025 da calzada sentido Portugal da autovía A-55, na contorna de Tui, na provincia de Pontevedra.
Tras a finalización dos traballos da primeira fase (entre os meses de xaneiro e xuño do presente ano), van dar comezo os traballos da segunda. Por este motivo e para garantir a seguridade viaria dos traballadores e usuarios da autovía, a partir deste luns 4 de setembro, ao redor das 8,00 horas, cortouse a calzada con sentido Tui/Portugal da A-55 entre os quilómetros 27,600 e 28,200.
O tráfico foi desviado pola calzada oposta (sentido Vigo), e habilitouse na devandita calzada o tráfico en dobre sentido de circulación. As afectacións ao tráfico prolongaranse previsiblemente ata finais de setembro, de acordo coa información que traslada o ministerio.
