InicioSociedadeAmnistía Internacional pide que se investigue o posible "uso excesivo" da forza...

Amnistía Internacional pide que se investigue o posible “uso excesivo” da forza na folga do metal de Vigo

Solicita aos partidos políticos un compromiso para prohibir as pelotas de goma na próxima lexislatura

PUBLICADO O

- Advertisement -

Amnistía Internacional pediu ao Ministerio de Interior e ao Defensor do Pobo que investiguen o posible “uso excesivo” da forza na actuación policial durante os diferentes días de folga do sector do metal en Vigo.

Tal como lamentou a ONG, as imaxes difundidas do conflito mostran “disparos indiscriminados” contra unha concentración de persoas, algo prohibido polas normas internacionais sobre o uso da forza. “Ante as cargas policiais rexistradas estes días contra traballadores en folga do sector do metal en Vigo mostramos a nosa preocupación polas posibles vulneracións de dereitos humanos cometidas pola Policía Nacional”, declarou a coordinadora da campaña Dereito á Protesta de Amnistía Internacional Vigo, Monstserrat Jáudenes.

Por iso, instou á Subdelegada do Goberno en Pontevedra e ao Delegado do Goberno en Galicia a que investiguen as actuacións levadas a cabo para esclarecer posibles casos de “uso excesivo” da forza.

Ademais, a organización solicitou aos diferentes candidatos políticos da provincia de Pontevedra un compromiso “real e efectivo” para prohibir o uso de pelotas de goma na próxima lexislatura, por ser “intrinsecamente imprecisas” e pola elevada probabilidade de causar lesións graves. “A traxectoria das pelotas de goma é imprecisa e indiscriminada, non se pode rastrexar e teñen un risco alto de causar lesións graves”, engadiu a portavoz de Amnistía Internacional.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...