Un operario resultou ferido de gravidade tras caerse de varios metros de altura cando traballaba nas instalacións dunha empresa de forxados, localizada nunha zona comercial do lugar da Lomba, na parroquia de Areas.

Segundo recolleu o 112, foi un particular, quen cinco minutos antes das 13,00 horas chamou a emerxencias para solicitar asistencia sanitaria.

Así, os xestores do Centro Integrado de Atención ás Emerxencias pediron a colaboración do persoal de Urxencias Sanitarias de Galicia, da Garda Civil, da Policía Local e dos voluntarios de Protección Civil de Ponteareas.

Unha vez finalizada a intervención, o 112 tivo constancia de que o operario foi evacuado en ambulancia ao centro hospitalario.