InicioSucesosDetidas 5 persoas por tráfico de drogas no festival Millo Verde de...

Detidas 5 persoas por tráfico de drogas no festival Millo Verde de Cesantes, en Redondela

PUBLICADO O

- Advertisement -

Axentes de Policía Nacional da Comisaría de Vigo-Redondela detiveron por tráfico de drogas o pasado fin de semana a 5 persoas durante a celebración do festival de cultura alternativa Millo Verde, que tivo lugar na praia de Cesantes, en Redondela.

Segundo informaron fontes policiais, no marco do dispositivo de seguridade despregado con motivo do festival, os axentes interceptaron un coche que circulaba a gran velocidade polas inmediacións da praia.

A Policía identificou os seus cinco ocupantes e, ao facerlles un cacheo superficial, localizaron entre as súas pertenzas diversas sustancias estupefacientes preparadas para a súa venda, así como diñeiro en efectivo. Entre as sustancias intervidas, atoparon unha bolsa con pastillas de MDMA, varios gramos de cocaína e unha bolsa de plástico con ketamina.

Ademais, no maleteiro do vehículo, onde estaban as mochilas dos seus ocupantes, os axentes atoparon bolsas de plástico con cogomelos alucinóxenos envasadas ao baleiro e outros derivados dos cogomelos, botellas de amoníaco, papel de aluminio e unha báscula de precisión. Por estes feitos, o cinco ocupantes do vehículo foron detidos como presuntos autores dun delito de tráfico de drogas.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...