InicioSociedadeVolven a denunciar a "situación preocupante" do PAC da área de Vigo...

Volven a denunciar a “situación preocupante” do PAC da área de Vigo con falta de persoal médico

A CIG denuncia que estes feitos son "especialmente alarmantes" por ser instalacións que deben asegurar a atención urxente dos cidadáns entre as 15,00 e as 08,00 horas en días laborais e durante toda a xornada o fin de semana e festivos.

PUBLICADO O

- Advertisement -

A federación de Saúde da Confederación Intersindical Galega (CIG) volveu a denunciar a “situación preocupante” dos puntos de atención continuada (PAC) da área sanitaria de Vigo, con máis dunha ducia de “descubertos” de persoal médico en centros de Ponteareas, de Cangas ou da propia cidade olívica.

Nun comunicado, o sindicato indicou que estes feitos son “especialmente alarmantes” ao tratarse de instalacións que deben asegurar a atención urxente dos cidadáns entre as 15,00 e as 08,00 horas en días laborais e durante toda a xornada o fin de semana e festivos.

Así, lembraron que xa avisaron deste problema hai meses e lamentaron que no período estival “poida que esta situación se vexa agravada”, xa que non se están cubrindo a totalidade das prazas estruturais de varios centros da área.

“A pesar de solicitar á xerencia da área sanitaria de Vigo a cobertura de todas as prazas dos plans funcionais da PAC, esta non aceptou, coa escusa de que hai que deixar horas para que o persoal FEAP de nova creación realice parte da xornada nestes centros”, criticaron.

Ademais, a CIG puxo o foco na deterioración das condicións de traballo na PAC, “quedando con menos persoal do que está establecido, o que fai lembrar á situación que se vive na área sanitaria de Pontevedra”.

A organización sindical tamén considerou que se perde a oportunidade de ofrecer estas prazas estruturais aos mozos que terminaron o MIR “a pesar de que varios estaban interesados en postos con estas características”.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...