O Parlamento galego demandou ao Goberno central que se realicen as obras, melloras e investimentos necesarios para paliar as “graves deficiencias” existentes no Centro Oceanográfico de Vigo.
Esta proposta do BNG, que saíu adiante co apoio do PPdeG e a abstención do PSdeG, tamén volve pedir que o Estado inicie o traspaso á Xunta dos centros do Instituto Español de Oceanografía en Galicia, unha demanda xa realizada na Cámara ata en catro ocasiones previas. Respecto diso, María do Carme González Igrexas lamentou o “desinterese e abandono” existente sobre os centros oceanográficos, cun estado de “deterioración” do centro vigués.
“A día de hoxe o Ministerio de Ciencia e Innovación non ten ningunha intención en actuar para a reforma e reconstrución deste centro en Vigo, e mentres tanto gustaríanos saber que está a facer o goberno popular na Xunta de Galicia porque nin está nin se lle espera”, reproba. O Bloque remarca que o centro de Vigo é o de maior tamaño de todos os do Estado, onde traballan máis de 120 persoas cun gran esforzo investigador.
