Un pequeno incendio rexistrado na sauna dun ximnasio de Vigo obrigou a desaloxar as instalacións, aínda que non se han rexistrados feridos, segundo informou o CIAE 112 Galicia.

Os feitos ocorreron sobre as 18,30 horas nun ximnasio de Navia, onde se rexistrou un conato de incendio por mor dun fallo eléctrico. O lume afectou a unha parte da madeira que recubre a sauna, pero non se rexistraron danos persoais.

Un particular alertou ao 112 e informou de que, nese momento, xa estaban a desaloxar aos usuarios do establecemento. Ao lugar desprazáronse efectivos de Bombeiros de Vigo e tamén se solicitou a intervención da Policía Local e de Urxencias Sanitarias de Galicia-061.