O helicóptero medicalizado con base en Ourense trasladou ao Hospital Álvaro Cunqueiro de Vigo a un home tras resultar atropelado por unha furgoneta na Cañiza.
Os feitos ocorreron sobre as 10,00 da mañá na rúa Otero Pedraio, segundo informa o 112 Galicia. O aviso dérono o 061, despois de mobilizar a unha dotación sanitaria para atender ao ferido, e un particular, que sinalaba que a vítima estaba atrapada debaixo do vehículo.
Así, o 112 pediu a colaboración dos membros do GES-SPEIS de Ponteareas. Unha vez liberado, o home recibiu os primeiros coidados antes do seu traslado na aeronave medicalizada ao Álvaro Cunqueiro. No operativo tamén participaron a Policía Local para facilitar a aterraxe do helicóptero nun campo próximo ao lugar do accidente.
