A factoría viguesa do grupo automobilístico Stellantis volverá parar parte da súa produción a partir da noite deste venres debido á falta de certos compoñentes necesarios para a ensamblaxe dos seus vehículos.

Tal como informou a compañía aos traballadores, o Sistema 1 da fábrica, onde se montan os Peugeot 2008 e 301 e o Citroën C-Elysée, permanecerá sen actividade desde a quenda de noite deste venres e durante o tres quendas do próximo luns, 6 de marzo.

A firma indicou que prevé retomar a produción o martes a partir da quenda das 06,00 horas. Todo iso debido á falta de compoñentes, que obrigou a Stellantis Vigo a deter a súa actividade en innumerables ocasións nos últimos meses.