InicioSociedadeDrones para o mantemento de parques eólicos mariños

Drones para o mantemento de parques eólicos mariños

O proxecto aborda a problemática de mantemento nos parques eólicos

PUBLICADO O

- Advertisement -

Un equipo liderado pola Universidade de Vigo e con participación da Universidade da Coruña e do Centro Avanzado nas Tecnoloxías Aeroespaciais Catec traballa desde o pasado mes de novembro no proxecto Eagle, de dixitalización do espazo aéreo e mariño, para o despregamento de drones aplicados ao mantemento de parques eólicos ‘offshore’.

A iniciativa está coordinada por Higinio González e Elena Martín, cos equipos da Escola de Enxeñaría Aeronáutica e do Espazo, e do novo Instituto de Física e Ciencia Aeroespacial do campus de Ourense.

Estes científicos explicaron que Eagle céntrase en abordar a problemática das operacións de mantemento nos parques eólicos que están instalados no mar, tendo en conta que se trata dun modelo de xeración de enerxía que vai en aumento e no que Galicia ten “gran potencial”.

“As aeronaves non tripuladas poden contribuír tanto na inspección da infraestrutura como na realización de operacións de tipo loxístico”, sinalaron os responsables do proxecto que recoñecen, no entanto, que esa actuación non está exenta de dificultades, como a aterraxe e despegamento sobre plataformas flotantes ou os voos próximos a estruturas como aeroxeradores.

No proxecto estúdanse, entre outros aspectos, a influencia da meteoroloxía en operacións de escala pequena; a interacción dos drones coas estruturas flotantes, as turbinas ou os barcos de apoio; a planificación de rutas; ou a normativa aeronática aplicable.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...