A Confederación Galega de Persoas con Discapacidade (Cogami) iniciou en Vigo un programa de emprego para aumentar as posibilidades de inserción laboral de persoas con discapacidade.

Nel, segundo informou a asociación, participan unhas 25 persoas co certificado de discapacidade e en situación activa de procura de emprego.

A través desta iniciativa, que cofinancian Fundación ONCE e o Fondo Social Europeo, os participantes contarán coa atención personalizada e individualizada dun técnico de orientación laboral de Cogami que os asesorará e acompañará na procura de emprego trazando itinerarios de inserción.

Cunha duración de nove meses, o obxectivo é que polo menos o 45% dos participantes consigan un emprego, “por iso é necesario formalos e capacitalos”, ademais de aumentar o seu nivel de autonomía na procura de emprego e acompañarnos en todo o proceso de preparación.