Ás 08:20 horas do día 24 de xuño, axentes da Policía Local de Vigo que prestaban servizo no Paseo de Samil foron requiridos por varias mozas, as cales indicáronlles que acababan de presenciar como dous varóns furtaban o teléfono a outro que se atopaba durmindo nun banco.

Elas observaran como os dous presuntos autores do furto cacheaban á persoa durmida e subtraían un teléfono e unha carteira; ausentándose seguidamente do lugar camiño dun local hosteleiro próximo.

A vítima do furto foi un varón de 21 anos, natural e veciño de Vigo, quen confirmou á patrulla non decatarse de nada, e botar en falta unha carteira con documentación e un teléfono -indicou cor e marca-.

As testemuñas do feito aportaron as características físicas dos presuntos autores, que foron localizados nas proximidades e que ao decatarse da presenza da policía se dirixiron ao estacionamiento de vehículos.

Un dos Axentes puido ver como un dos individuos deixaba baixo un vehículo algún obxecto, que resultou ser un teléfono con características coincidentes co furtado. O segundo individuo portaba unha tarxeta do Concello de Vigo a nome da vítima.

Os presuntos autores son dous varóns estranxeiros, de de 31 e 32 anos. O varón obxecto do furto fixo constar que presentaría a oportuna denuncia.