InicioVigo e contornaVigoAbel Caballero insiste en defender o papel "clave" de Vigo na "descentralización"...

Abel Caballero insiste en defender o papel “clave” de Vigo na “descentralización” do IEO

"Xa estou en contacto no Ministerio e exactamente igual que defendín esta cidade ante outras institucións, agora defendereina diante do Goberno de España, con todas as consecuencias", apuntou o rexedor olívico.

PUBLICADO O

- Advertisement -

O alcalde de Vigo, Abel Caballero, asegurou que defenderá ante o Goberno “con uñas e dentes” que Vigo xogue un papel “clave” na “descentralización” do Instituto Español de Oceanografía (IEO), polo que afirmou que está “en contacto” co Ministerio de Ciencia para transmitirlle a súa “reclamación”.

Na súa rolda de prensa diaria, o rexedor explicou que a cidade presenta unha “enorme capacidade de investigación no seu Oceanográfico” xa que Vigo é “a cidade da pesca e do mar” xa non só de España senón “do mundo”.

A este respecto, a urbe dispón de “niveis importantísimos de investigación no ámbito marítimo e oceanográfico” e unha frota de tres mil barcos. Por iso, Caballero mostrouse convencido de que Vigo debe desempeñar un rol “determinante” no futuro do IEO, “xogando un papel crave no ámbito da descentralización, porque reúne todas as características”.

“Xa estou en contacto no Ministerio e exactamente igual que defendín esta cidade ante outras institucións, agora defendereina diante do Goberno de España, con todas as consecuencias”, advertiu.

Todo iso días despois de que a Xunta reprobase os plans do Goberno central de trasladar a sede do Instituto Oceanográfico a dúas Comunidades, entre as que non está Galicia. A Consellería do Mar lamentou este fin de semana os “bandazos” dados polo Executivo de Pedro Sánchez na descentralización do IEO.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...