Dúas grandes árbores centenarias, das catro que había no parque de Don Bosco, en Vigo, xa non están. Unha máquina que traballaba nas obras de humanización da praza derrubou accidentalmente un destes cedros que cedeu e acabou caendo sobre a outra árbore.

Os feitos aconteceron na tarde deste martes. E a pesar do aparatoso do accidente, non houbo feridos. O proxecto de reforma contemplaba a conservación destas árbores.

A humanización de Don Bosco non estivo exenta de polémica tras a talla das árbores que había na praza. Logo de certas protestas, o alcalde comprometeuse a manter tres grandes cedros, os máis grandes e antigos. Agora, tras este incidente, só quedan en pé dous deles.