InicioSociedadeA contestación dun médico de Vigo a unha moza por falar en...

A contestación dun médico de Vigo a unha moza por falar en galego: “Tienes acento de ciudad… Pon acento paleto”

"Tantos anos viaxando polo mundo e falando varias linguas e que sexa no meu propio país onde me din isto", asegura indignada.

PUBLICADO O

No hables en gallego que lo hablas fatal. Se nota que tu acento es de ciudad. Tienes que poner acento paleto”.  Foi a resposta que lle deu un médico a Silvia S., unha moza de 29 anos que acudiu a consulta dun médico en Vigo.
Unha contestación que indignou a rapaza que presentou unha reclamación pedindo o cambio deste doutor ao sentirse denigrada polo seu tratamento. Silvia, que é neofalante, viviu en Xapón e fala varias linguas, non dá creto ao acontecido. “Eu quedei vermella coa resposta que me deu”, dixo en declaracións ao Xornal de Vigo.
“Estou convencida de que coñece o galego pero pensa que iso dos neofalantes é unha parvada. Por iso me dixo que falara o galego dos paletos”, indicou sorprendida. “Que irónico.  Tantos anos viaxando polo mundo e falando varias linguas e que sexa no meu propio país onde me din isto”, engadiu.
“FALTA DE RESPECTO”
Por iso, decidiu partillar a súa reclamación a través das redes sociais. Unha reclamación que xa se fixo viral e na que Silvia conta o que lle aconteceu. “Actualmente, son investigadora e divulgadora da Cultura Galega por todo o mundo e é a primeira vez que me critican por como falo. Ademais, no meu propio país. Pareceme unha falta de respecto como cidadá galega, como persoa e, sobre todo, como paciente”, denuncia.
Así, lembra que acudiu á consulta “con todo respecto e agardando un trato profesional” e que se atopou todo o contrario. “Espero dun profesional da saúde o mesmo: respecto e profesionalidade”. “Non por ser unha moza ten dereito a tomarse confianzas que eu non lle din. Grazas por lerme”, conclúe a súa reclamación.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...