InicioVigo e contornaRedondelaDetido o suposto autor dun atraco a punta de pistola nun estanco...

Detido o suposto autor dun atraco a punta de pistola nun estanco de Redondela

Os feitos ocorreron o pasado 14 de outubro.

PUBLICADO O

- Advertisement -

Axentes da Policía Nacional da Comisaría de Vigo-Redondela detiveron ao suposto autor dun atraco a punta de pistola perpetrado o pasado 14 de outubro nun estanco do concello redondelano.

Segundo informaron fontes policiais, os feitos ocorreron a media tarde do pasado 14 de outubro cando o sospeitoso entrou nun estanco do centro de Redondela e, armado cunha pistola de pequeno tamaño, intimidou a unha traballadora.

A empregada entregoulle o diñeiro que había na caixa, uns 400 euros, e o atracador abandonou o lugar correndo. Nese momento, a muller saíu á rúa e comezou a gritar pedindo auxilio.

Varias dotacións policiais dirixíronse ao lugar e, tras entrevistarse coa empregada e tomar nota da descrición física do atracador, despregouse un dispositivo de procura.

Finalmente, a Policía identificou, localizou e detivo o sospeitoso, un home de nacionalidade española con antecedentes, ao que puxo a disposición do xulgado de instrución de Redondela. O xulgado decretou o seu ingreso en prisión.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...