O mozo que presenciou o asasinato dun mozo na praia de Arealonga, en Redondela, na noite de San Xoán de 2017, lembrou no xuízo que se segue este martes na Audiencia como seguíu ao presunto asasino desde a distancia, e mesmo chegou a intercambiar algunha palabra con el.
Este mozo relatou como, despois de ver o que pasara (que o acusado disparou a Daniel B.P., e a outro mozo que se lle encarou), seguiu a José Luís L.P. e chegou a establecer conversación con el, cando se atopaba sentado nun portal da Avenida de Vigo. “Preguntoume de onde viña, e improvisei para que non sospeitase. Pregunteille por unha parada de taxis e, xusto nese momento, pasou un e parámolo”, explicou.
Tamén relatou como, cando se dirixían ao taxi, chegou un coche de Policía Nacional e el fíxolles acenos para que soubesen que a persoa coa que estaba era o sospeitoso. “Aviseilles de que levaba unha arma e refuxieime detrás dun coche. Cando o detiveron saín e boteime a chorar”, explicou esta testemuña, a quen o fiscal agradeceu o seu “valor”.
POLICÍAS
Este martes tamén declararon os dous axentes de Policía Nacional que detiveron a José Luís L.P., e suliñaron que se non chegan a inmobilizar e deter ao sospeitoso, este podería disparar cun revólver de grandes dimensións: “Levabamos chalecos, pero os nosos chalecos non paran esas balas. Se dispara, mátanos“.
