InicioSociedadeO sector das ambulancias usará a vía xudicial para reclamar case 1...

O sector das ambulancias usará a vía xudicial para reclamar case 1 millón de euros a Audasa polas peaxes da AP-9

"Isto provocou que as empresas da Fegam asumisen un custo en peaxes de máis de 160.000 euros anuais" din os empresarios das ambulancias.

PUBLICADO O

- Advertisement -

Os empresarios agrupados na federación galega de ambulancias (Fegam) reclamarán por vía xudicial 1 millón de euros a Audasa, a concesionaria da AP-9, polo pago das peaxes desta autoestrada.

Nun comunicado, remiten á sentenza do Tribunal Supremo que “non deixa lugar a dúbidas” ao entender que “as ambulancias están exentas do pago de autoestradas, tal e como recolle a Lei de Estradas de 2015, que se basea nunha anterior de 1988″.

Así o recolle o fallo, apunta a Fegam, coa que a sala do contencioso administrativo resolve o recurso interposto pola Asociación de Empresas Construtoras e Concesionarias de Infraestruturas (Seopan), en representación de Audasa, xestora da AP9.

“Unha sentenza que abre a porta á devolución de preto dun millón de euros aos empresarios galegos, que nos últimos anos non deixaron de reclamar, sen éxito, os pagos efectuados a Audasa”, destacan.

Critican que nestes anos, “aclaración ministerial por medio en 2018, a AP9 negouse a aplicar a lei de 1988 e a posterior de 2015”. “Isto provocou que as empresas da Fegam asumisen un custo en peaxes de máis de 160.000 euros anuais, que non puideron repercutir no importe do concurso coa Administración ao estar ‘por lei’ exentas de pago”, sinalan.

Tras a sentenza, segundo informa a Fegam, enviou un burofax a Audasa e Abertis o pasado 4 de agosto, “para fixar unha reunión e chegar a un acordo para a devolución dos importes abonados nos últimos anos”. “Ao non obter resposta, a Fegam iniciará en setembro os trámites para a reclamación económica por vía xudicial”, conclúe.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...