Se todo sae conforme o previsto por Feijóo e Urkullu, Galicia e Euskadi irán votar por cuarta vez desde 2009 o mesmo día este verán. Previamente, haberá que repetir todo o proceso preelectoral, que inclúe a confección das listas. E a isto hai que unirlle as incertezas da evolución do coronavirus e as medidas se van a adoptar nos colexios electorais para que os galegos poidan exercer con seguridade o dereito ao voto, así como os votantes que poderán exercer ese dereito.

Hai dúas semanas o presidente galego non quería falar de eleccións. “Non están na miña axenda políticia”, dicía. “O máis importante é a saúde dos galegos”, engadía. E que cambiou en 15 días para que o que non estaba na súa axenda, pase a ser unha prioridade?.

Aproveitar a difusión que lle dan a TVG e a Radio Galega e medios como La Voz de Galicia para ter maior proxección pública, confrontarse directamente na xestión da crise con Pedro Sánchez para botarlle a culpa de todo o malo, tentar silenciar á oposición acurtando a campaña electoral ou o menor impacto da campaña dos lumes, entre as verdadeiras razóns da convocatoria. Tentamos analizar as causas e razóns que levaron a Alberto Núñez Feijóo a convocar eleccións de xeito precipitado. Toda a reportaxe en Galicia Confidencial.