InicioPolémica en Cangas pola Semana Santa: o Concello quere procesións e o...

Polémica en Cangas pola Semana Santa: o Concello quere procesións e o cura, négase

O pleno impulsa unha declaración institucional de apoio á Semana Santa.

PUBLICADO O

- Advertisement -

Non hai acordo aínda en Cangas sobre a celebración da Semana Santa e, a pesar do que se poida pensar, desta vez é un goberno de esquerdas o que quere que se celebre e a Igrexa o que o impide.  

O pleno da Corporación de Cangas, apoiado por ACE e PSdeG, aprobou unha declaración institucional en favor da Semana Santa tradicional, con procesións nas rúas, para mostrar o seu respaldo ás confrarías e o sector turístico e hostaleiro que queren lograr a declaración de Interese Turístico Nacional para a Semana Santa.

A proposta, que partiu da concelleira de Cultura e Turismo, Aurora Prieto, (afiliada a Esquerda Unida) non obtivo, pola contra, o respaldo do cura. O párroco, Severo Lobato, negouse a participar nas reunións e conta co apoio do Arcebispado de Santiago de Compostela. Con todo, a corporación insiste na súa petición. 

Nesta polémica terciou xa a institución Galicia Laica que insiste en que, tal e como recolle a Constitución Española, os municipios separen a relixión da política, nas súas actividades e funcionamento,” garantindo unha sociedade laica onde cada persoa poida ter a crenza que queira como indica o artigo 16.3″.

“Lamentamos que o Equipo de Goberno, supuestamente progresista, entregue máis poder político á Igrexa católica sen ser quen de superar as herdanzas, aínda vixentes,  do nacional catolicismo da ditadura franquista. Se os concellos ou parlamentos, lle din a unha relixión que convoque os seus ritos, acaso non poderán pensar tamén desde esas  xerarquias eclesiásticas, que iso lles lexitima para  tentar incidir nos temas políticos?”, denuncia esta plataforma.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...