InicioCulturaAs Meninas solidarias de Ponteareas visitan A Louriña e O Condado

As Meninas solidarias de Ponteareas visitan A Louriña e O Condado

PUBLICADO O

- Advertisement -

A concellería de Ensino e Participación Cidadá de Ponteareas abre fronteiras para que as trinta Meninas realizadas por colectivos e centros de ensino de toda a área metropolitana expoñan a súa beleza e creatividade nos diferentes concellos veciños.

Organizadas por quendas, as Meninas visitarán os concellos de Mondariz, Mondariz
Balneario, Salceda, Covelo, As Neves, A Cañiza e O Porriño. En Ponteareas estarán
para engalanar a nosa prezada festa dos Remedios.

Grazas a colaboración do concello de Mondariz, esta semana as Meninas de Ponteareas estarán ata o 18 de xuño expostas na praza de abastos, no centro social, no concello e na biblioteca para que todos os veciños poidan desfrutar destas obras de arte realizadas na súa maior parte con materiais de refugallo.

O Alcalde de Mondariz, Juan Carlos Montes, salienta a beleza das pezas e felicita á concelleira de Ensino por esta iniciativa que crece, ano tras ano, permitindo agora que
o resto dos concellos da contorna poidan non so desfrutala se non tamén ser partícipes de xeito activo como no caso do CEIP de Mondariz que aportou unha singular e orixinal Menina atrapada nunha botella.

O proxecto “Flores para as Meninas” creado pola profesora Pilar Gallego e dirixido dende a concellería de Ensino de Ponteareas, contouse coa colaboración de toda a comunidade educativa e distintos colectivos que agasallaron estas pezas para que logo puideran ser patrocinadas e donados os cartos conseguidos a unha entidade sen ánimo de lucro que este ano foi a asociación Avelaíña de axuda a persoas con enfermidades mentais.

Este traballo en equipo, exemplo de participación e xenerosidade, pon o seu punto
final con esta exposición itinerante que retornará a Ponteareas a finais do mes de
setembro para ser entregadas aos seus patrocinadores que altruistamente as ceden
para ser amosadas ao grande público.

ÚLTIMAS

Concentración en Vigo pola aumento de accidentes e ritmos de traballo no naval

Decenas de persoas concentráronse este xoves en Vigo para denunciar o aumento da sinistralidade laboral...

Chaman a manifestarse este sábado en Vigo contra o xenocidio en Gaza

A Plataforma Cívica Vigo Pro-Palestina, integrada por máis de 40 entidades sociais, veciñais, sindicatos e...

O TSXG ratifica a condena a 15 anos de cárcere o acusado de violar ao seu fillastro en Vigo

O Tribunal Superior de Xustiza de Galicia (TSXG) ratificou a condena a 15 anos...

A UVigo participa nun proxecto para a detección satelital de incendios

Aistech Space, Telespazio Ibérica e Kreios Space, en colaboración coa Universidade de Vigo (UVigo),...